Fasch wie us dr Bibu

Die sibe Erzählige und sächs witeri Texte zu biblische Gschichte us däm Büechli si dänkt für Jugendlechi und Erwachseni zum Vorläse und Witerverzelle. Mängisch traditionell verzellt, mängisch ou i nes frömds Setting ine gsetzt, näh die Erzählige u Texte immer ou provozierendi Site vo de bekannte biblische Gschichte uf u stelle se i nes ungwahnets Liecht. Zum Teil ganz unverschämt i üsi hüttegi Gägewart transferiert, überchöme die biblische Gschichte e Unmittubarkeit, wo eim cha betroffe mache. Bibleschi Gschichte si nid harmlos, und die vorligende Erzählige und Texte sis ou nid. Söue si ou nid si, derfür ehrlech, ou grad dert, wos uf drängendi Frage kei Antwort git.

Autorentext
Zum Outor Cédric Rothacher, *1971, schafft sit 1999 Jahr aus Pfarrer ir reformierte Chiuche Bärn-Jura-Solothurn, zersch im Bärner Seeland, sit 2014 in Langethal. I dere Zyt het är im Rahme vo sire Arbeit mit Chind, Jugendleche und Erwachsene immer wider ou bibleschi Gschichte erarbeitet und verzellt. I Gottesdienschte u Chinderwuche, Seniorenamittäg u 'Fyre-mit-de-Chliine' het d Form vom Verzelle sich für ihn meh aus nume bewährt. D Spannig zwüsche diräkter Betroffeheit einersits und beobachtend-dischtanzierter Freiheit anderersits, wone Gschicht ermüglechet, fasziniere ne immer wider. U wiu i biblische Gschichte Theologie u Gloube immer ou es Thema si, isch d Herusforderig, bibleschi Gschichte neu ds verzelle, ersch rächt spannend u reiz-voll. Me Texte, Informatione u witers finde sich under www.handglismet.blog

#	Onlineshop	Preis CHF	Versand CHF	Total CHF
1	Seller	0.00	0.00	0.00